1. 大结局深情嘅演技! 好好好好感人
一开始话唔比阿风去冒险嘅深情对白令人非常感动，但真正令人流眼泪嗰part肯定係阿风引爆炸弹救渠头嗰度！呜呜～睇多次都眼湿湿。
再加上佢极痛苦嘅表情，佢表达感情表达得咁好，简直爆哂seed！
选择穿越返到去4月1号嘅渠头表示为咗可以见返阿风，绝不后悔！返到去之后仲决定要帮阿风完成所有事，帮佢捉贼、捉贺展祥；又同joyce讲清楚；仲要忍受阿风唔记得佢嘅苦楚，好伟大啊！
返到去见到阿风，渠头嘅表情完全表达到嗰种「我就站在你的面前，你却不知道我爱你」嘅感觉啊～
2. 深情得、搞笑亦得
王浩信迅速上位都咪话唔係冇原因，今次《EU超时任务》围村村长角色表现出位抢眼，又有唔少嘅生鬼表情同搞笑嘢，大结局深情演技掂，平时生鬼对白表情都掂！
话说渠头为咗凼返joyce而当街跳艳舞就肯定係佢搞笑事迹之一。
渠颈哥平时仲好多好生鬼夸张嘅表情，唔知点解唔觉得假，仲觉得好match～
讲真《EU》裏面渠头呢个角色同王浩信平时做开嗰啲又唔太同，可能唔係佢做开嗰种有钱仔角色，反而更加令人觉得有惊喜。就好似佢同阿风表白完之后，兴奋到又跳舞又唱歌，又真係好好笑喎。
3. 上位之路
老老实实，王浩信出道以来大大话话都拍咗十几廿套剧，红嘅真係唔多，最有话题嘅都係佢比人掴嗰两套：《名媛望族》同《法外风云》。好在近年开始有位可以上，今套《EU超时任务》係继《楼奴》后第二次做男一，今次咁收得，之后应该开始有多啲男一做啦挂～
以上截图：MyTV