巴丝打玩eSportsWGL亚太区第二季决赛—导读

巴丝打玩eSportsWGL亚太区第二季决赛—导读

eSports对于唔少巴丝打来讲绝对唔係咩新名词,但有参加相关活动嘅人又有几多个?事实上香港搞嘅eSports比赛活动又真係唔係咁多,规模亦唔算大,咁今次小弟就一于带大家去韩国,一齐感受下世上其中一个最受欢迎嘅eSports比赛—Wargaming.net League(WGL)。

乜嘢係WGL?

WGL係游戏公司Wargaming.net自己举办嘅电竞比赛,呢个比赛成立咗唔係好耐,不过近呢两年嚮全球eSports界嚟讲就甚有睇头。有别于WCG呢类乜Game都有嘅eSports比赛,WGL係以Wargaming.net旗下嘅《World of Tanks》游戏为唯一比赛项目。香港玩家对Wargaming呢间公司嘅认识可能唔算好多,但如果讲《World of Tanks》(战车世界)或者《World of Warships》(战舰世界)的话,你或者开始有啲印象啦?《WoT》嚮全世界都好多人玩,呢只Game係基本免费课金制。游戏于全世界几个地区设有伺服器,分别係我哋身处嘅亚太区、中国区、美洲、欧洲、独联体、以及俄罗斯等等,而每个伺服器区就係一个赛区。参加WGL门槛唔高,基本上你搵多4个老友一齐组队就可以参加,但要打到上嚟有资格参加分区总决赛就一定唔係柴娃娃。

巴丝打玩eSportsWGL亚太区第二季决赛—导读
◆ WGL係Wargaming.net自家製嘅全球性eSports比赛。巴丝打玩eSportsWGL亚太区第二季决赛—导读
◆ 目前WGL只係以《World of Tanks》作为唯一嘅比赛项目。

中‧台‧韩三方混战

今次小弟到韩国就係睇WGL亚太区第二季总决赛(WGL APAC S2 Finals),赢咗嘅就极有机会参加4月于波兰华沙举行嘅「WGL Grand Finals」世界赛资格。唔讲你可能唔知,2年前香港就有一队巴打打到入世界赛,当时小弟都嚮现场睇住佢哋比赛,可惜嘅係被当年冠军踢出局,但以一队业余队来讲,可以同一众职业强队周旋,你都咪话唔巴之闭!今次第二季决赛就冇香港代表喇,不过久违嘅台湾代表HORSEMEN就有入围,将会于呢个星期六及星期日同来自中国嘅去年世界亚军EL GAMING、另一队中国队伍RefornGaming以及韩国嘅GOLD BASS争逐亚太区冠军宝座,到时我再同大家慢慢吹。

参赛队伍简介

巴丝打玩eSportsWGL亚太区第二季决赛—导读

◆ EL GAMING(网上图片)

EL GAMING:去年WGL Grand Finals世界赛亚季。虽然以中国长沙为基地,不过EL GAMING係参加以亚太区伺服器的比赛为重心。EL GAMING已经得到亚太区第一季冠季,究竟EL GAMING能否再夺亚太冠军,进军世界赛呢?小弟今次睇好EL GAMING可以Champ到,係真唔係过两日就知。

巴丝打玩eSportsWGL亚太区第二季决赛—导读

◆ HORSEMEN(网上图片)

HORSEMEN:继2014年后,来自台湾嘅强队HORSEMEN终于重返亚太区决赛呢个舞台。上虽然得到亚太区季军的成绩,不过因为分数未够进入世界赛,今次HORSEMEN只要赢得亚太区冠军,就有来会去波兰喇!

巴丝打玩eSportsWGL亚太区第二季决赛—导读

◆ RefornGaming(网上图片)

RefornGaming:同样来自中国,由电脑週边产品厂商Razer做金主嘅RefornGaming係中国伺服器赛区嘅顶尖级队伍,去年更被邀请参加WCG 2015比赛。今次到WGL APAC S2 Finals又有冇得打呢?定係可以扫走另外3队呢?

巴丝打玩eSportsWGL亚太区第二季决赛—导读

◆ GOLD BASS(网上图片)

GOLD BASS:韩国嘅eSports就一向都係劲,而来自韩国嘅GOLD BASS仲要係WGL APAC-KR联赛嘅冠军,今次仲有主场之利,要冲击今次比赛冠军绝对唔係冇可能喎!

上一篇:
下一篇: