姆明化身圣诞树 免费玩全景selfie

圣诞树就见得多喇,姆明咁嘅样嘅圣诞树,你又见过未?今次姆明带晒一家大细嚟到旺角呢个商场,亚美、史力奇、树精全部都嚟晒,仲引入咗超远镜头,等大家可以同姆明一族玩全景自拍,最重要嘅係,免费㗎!

姆明化身圣诞树  免费玩全景selfie

呢棵巨型姆明圣诞树绝对係推介影相位,上面嘅灯仲识转色嘅添!只要行去佢身旁嘅指定位置,灯饰就会由黄色变成紫色。姆明已经少见,今次仲要有佢嘅圣诞树,真係唔影多几张相都对唔住自己呀!

姆明化身圣诞树  免费玩全景selfie

今次商场引入咗自拍Cam,镜头设于3层楼之上,影出嚟嘅相有2,200万像素,放大嚟睇依然睇得清五官!

姆明化身圣诞树  免费玩全景selfie
远处橙色嗰个就係镜头喇~

影完之后,张相会send返去你email。不过记者就觉得,似乎平面影出嚟效果比较靓,所以呢个全景自拍,都係贪得意玩吓就好,要影靓相都係建议就咁影~

姆明化身圣诞树  免费玩全景selfie
指住嗰粒蚁仔就係记者同摄影师喇~

除咗必影嘅姆明之外,仲有好多影相位!亚美、史力奇、歌妮、树精全部有齐!

姆明化身圣诞树  免费玩全景selfie
只要一坐上船,两旁嘅树精们就会着灯㗎喇
姆明化身圣诞树  免费玩全景selfie
两位亚美世纪合照~

姆明化身圣诞树  免费玩全景selfie姆明化身圣诞树  免费玩全景selfie

坐喺姆明同女友歌妮中间,加埋佢哋呢个眼神,不禁有少少偷情感觉。

呢间期间限定嘅pop-up store都算几多嘢卖,而且仲有唔少由日本同芬兰空运到港嘅独家product,得呢度有得卖㗎咋!

姆明化身圣诞树  免费玩全景selfie姆明化身圣诞树  免费玩全景selfie

最近天气变冻,带返对手套就啱晒喇($180)
姆明化身圣诞树  免费玩全景selfie
圣诞交换礼物最怕收到杯,不过如果收到呢只咁靓嘅姆明杯都几开心($100/只)
姆明化身圣诞树  免费玩全景selfie
记者最锺意就係公仔㗎喇,揽咗上手就唔捨得放低喇(左:树精揽枕$270;右:姆明毛公仔 $780)
姆明化身圣诞树  免费玩全景selfie
呢盒姆明朱古力咁靓,记者表示完全唔捨得食($200)

除咗影吓相买吓嘢之外,仲可以去L3层油吓颜色!姆明化身成巨型壁画,等大家填吓色治癒吓。不过记者拎住颜色笔想填嘅时候,突然惊觉姆明係白色,唔知到点填好,咁就唯有帮佢画只红眼睛,等佢幽幽的看着这孤城啦~

姆明化身圣诞树  免费玩全景selfie

姆明化身圣诞树  免费玩全景selfie

姆明圣诞「森」度游

地址:旺角新世纪广场MTR楼层中庭

日期:即日起至

时间:12pm-10pm

上一篇:
下一篇: