1. 棚屋靓景歎靓茶 大澳 榕树头
店主Charlene同Cliff热爱旅行，经常到各地游走，每次去完旅行都会大包小包咁返嚟，为嘅就係同大家分享佢哋去旅行发掘到嘅好物。因此，佢哋嘅café裏面就会放满咗好多喺世界各地返嚟嘅商品，亦有一啲非卖品，用嚟同大家分享各地文化。
大家可以点选店主由越南等地带返嚟嘅花茶，亦有 大澳 食材製成嘅食物同饮品。8至9月仲有期间限定嘅本地大树菠萝特饮。坐喺 大澳 棚屋再歎埋 大澳 出产嘅食物饮品，够哂地道啊！
大澳 榕树头Tai O Banyan Tree
地址： 大澳 吉庆街68号地下
营业时间：星期六11:00–23:00、星期日11:00–20:00
电话：6999 8213
网址
2. 爱猫人士好地方 猫澳MEOW
猫澳MEOW係 大澳 一间用猫做主题嘅café，裏面嘅猫猫都係流浪猫，店主German话希望可以透过呢间猫café带比大家一个讯息：其实流浪猫嘅品性都係好好嘅，带番屋企照顾都没有问题。为了想大家多啲空间同猫仔亲近，所以专登设计店内并无放置檯檯凳凳，让大家尽情玩。
除咗同猫猫玩之外，店内仲有 大澳 出名嘅紫贝天葵梳打同沙冰，本身紫贝天葵已经具备清热气作用，今次café将佢变成特饮，锺意猫猫嘅读者于夏天游大澳行到热辣辣之时，可以考虑下嚟猫澳呢间café试吓 大澳 名物紫贝天葵。
猫澳MEOW
地址： 大澳 吉庆街67号地下
营业时间：星期二至日12:00–18:00
电话：9497 4206
网址
3. 只此一间 大澳 旭日黑白墨鱼饼
其实为何要山长水远走到大澳？为的，都係感受 大澳 那种纯朴的小村风味，所以食也不例外。在市区食墨鱼饼并不是新鲜事，不过口感都是粉多过墨鱼，而今次大澳的小店，就真正做到真材实料、有版你睇！店主梁先生每晚都会打定翌日要卖嘅墨鱼饼，保证新鲜。热辣辣煎完之后，记者即时撕开墨鱼饼，清楚见到粒粒墨鱼粒在饼中，咬到弹下弹下。这种口感就像回到六、七十年代那种香港人踏踏实实的感觉。
一黑一白嘅墨鱼饼满足哂大家两个愿望，可以试吓纯墨鱼打成嘅白墨鱼饼，又可以试下加咗墨鱼汁嘅黑墨鱼饼。店内仲有墨鱼饼麵（$30/碗）提供，如果係肚饿嘅话就可以连麵一齐叫啦。
除驰名墨鱼饼外，旭日嘅龙虾汤同咖哩鱿鱼鬚都可以当扫街咁叫嚟食。
不过因为舖头装修嘅原因，旭日最近都唔会开门，店主梁先生话最快都要8月尾先会开返，所以大家想去嘅话记得打个电话去问问先啊～
旭日
地址： 大澳 永安街47号地下
营业时间：星期一至日07:00 – 17:00（逢星期三休息）
电话：2985 6001
4.自家种 班兰香草鸡蛋仔
班兰蛋糕就食得多啦，班兰香草鸡蛋仔就少见喇。 大澳 石仔埗街嘅士多仔就出咗呢个用自家班兰叶製成嘅班兰香草鸡蛋仔，除咗鸡蛋仔之外，店主张太话个班兰香草格仔饼，个馅可以拣咖央酱，佢仲有出crossover口味嘅紫贝天葵酸梅汤同话梅柑桔添～
班兰香草鸡蛋仔
地址： 大澳 石仔埗街119号
5. 街知巷闻 财叔糯米糍
财叔嘅糯米糍同茶果都係每日即整即卖，保证新鲜热辣，所有货品都会放喺发泡胶箱内保温，用呢个方法保温喺香港市面上已经好少见啦。就算记者下午3时多才去到，拎上手嘅糯米糍同茶果都仲暖笠笠，咬落去仲食到软淋淋又烟韧嘅外皮及十分足料嘅内馅。有一点真的要提一提大家，由于好多人一入到 大澳 就要买返件财叔的产品，再加上财叔年时已高，出产有限，所以通常都好早卖晒，想encore都无！
茶果财
地址： 大澳 石仔埗街106号
6.特色棚屋睇全景
嚟到 大澳 玩咗一日，食完买完就走？No～可以睇埋个棚屋靓景先走。咁啱我哋採访嘅 大澳 榕树头店主Charlene同Cliff就话我哋知，原来喺佢地对面嗰间棚屋嘅主人好欢迎大家去佢屋企参观，由间屋嘅露台望出去，向右望，可以望到一大排棚屋水乡景；向左望，可以望出大海睇海景。佢地仲话喺嗰度睇日落就最perfect，如果12月嘅时候去仲可以见到个咸蛋黄喺大桥正中间落下添，所以如果唔赶时间嘅话可以睇埋日落先走。
中式棚屋
地址：大澳 三涌棚39号（棚屋村内）